Random13.jpg
Ken Ta Fundashon Lechi Di Mama

Fundashon lechi di mama ta un instansha ku no ta hasi ganashi.

Komo fundashon nos ta traha ku boluntario so, anto no tin subisidio di   gobiernu.

Tin mas o ménos 30 boluntario ku ta traha pa diferente proyekto anual di   e Fundashon.

Nos a logra di tin un "Network" pa e sosten i guia di lechi di   mama na mamanan.

Nos ta traha ku diferente instansha ku ta duna kuido na mama i yu; entre   otro Fundashon Duna Lus, na unda ta duna charla na e mamanan na estado i ta   guia e mama ku a kaba di duna lus òf ku ta dunando lechi di mama.

Na hospital ta bishitá, riba pedido, e mamanan ku a kaba di duna lus.

E ofisinanan di pisa yu di gobièrnu i Wit Gele Kruis ta duna infomashon,   ta guia i sostené e mama ku ta duna su bebi lechi di mama.

Otro medio di komunikashon hopi importante ta nos servisio di telefòn; 24   ora pa dia por yama nos fundashon pa informashon i preguntanan tokante lechi di mama na 6625852.